#BIBLE SAY ABOUT Belief #IMAAN #KOHISIYYUCHURCHNBHIKHIWIND

IBRANION 11;1

Ab ímán ummed kí húí chízoṉ ká iʻtimád,

aur andekhí chízoṉ ká subút hai

ROMION 10;17

Pas ímán sunne se paidá hotá hai,aur sunná Masíh ke kalám se.

MATI 13;19 Jab koí bádsháhat ká kalám suntá hai, aur samajhtá nahíṉ, to jo us ke dil meṉ boyá gayá thá, use wuh sharír ákar chhín le játá hai.

IBRANION 4;2 Lekin sune húe kalám ne un ko is liye kuchh fáida na diyá, ki sunnewáloṉ ke diloṉ meṉ ímán ke sáth na baiṭhá.

MARQUS 4;23 Agar kisí ke sunne ke kán hoṉ, to sun le. Ḳhabardár raho,ki kyá sunte ho;jis paimáne se tum nápte ho, usí se tumháre wáste nápá jáegá, aur tumheṉ ziyáda diyá jáegá.Kyúṉki jis ke pás hai, use diyá jáegá;aur jis ke pás nahíṉ hai,us se wuh bhí jo us ke pás hai, le líyá jáegá.Ḳhudá kí bádsháhat aisí hai, jaise koí ádmí zamín meṉ bíj ḍále;

LUQA 8;18

Pas ḳhabardár raho, ki tum kis tarah sunte ho:

MATI KI INJIL 13;23

Aur jo achchhí zamín meṉ boyá gayá, yih wuh hai,jo kalám ko suntá aur samajhtá hai, aur phal bhí látá hai; koí sau guná phaltá hai, koí sáṭh guná, koí tís guná

IFISÍOṈ 3;16

tum us kí Rúh se apni bátiní insáníyat meṉ bahut hí zoráwar ho jáo; aur ímán ke wasíle se Masíh tumháre diloṉ meṉ sukúnat kare; táki tum mahabbat meṉ jaṛ pakaṛke, aur bunyád qáim karke, sab muqaddasoṉ samet baḳhúbí maʻlúm kar sako, ki us kí chauṛáí, aur lambáí, aur úṉcháí, aur gahráí kitní hai, aur Masíh ki us mahabbat ko ján sako, jo jánne se báhar hai, táki tum Ḳhudá kí sárí maʻmúrí tak maʻmúr ho jáo.

YUHANA KI INJIL 1;16

Kyúṉki us kí maʻmúrí meṉ se

ham sab ne páyá, yaʻní fazl par fazl.

AMEN